Грузияда 12 жолаушысы бар автобус 400 метрлік құздан құлап кетті

Грузияның Пшавели-Абано-Омало асуында 400 метрлік биіктіктен шағын автобус құлап кетті. Кейбір жолаушылар автобус құлап бара жатқанда секіріп үлгерген. Бұл туралы "Хабар 24" жергілікті IMEDI телеарнасына сілтеме жасап хабарлайды.

Алдын ала мәлімет бойынша автобуста 12 адам болған. Олардың кейбірі автобус құлап бара жатқанда секіріп үлгерсе, қалғаны автобуспен бірге құлады.

Оқиға орнында құтқару операциясы жүріп жатыр. Тірі қалғандар тікұшақпен Телави қаласының ауруханасына жеткізілді. Жол апаты шағын автобус жүргізушісінің рөлге ие бола алмауынан болған.