Грузияда министр орынбасары коронавирус жұқтырды

Грузия қоршаған ортаны қорғау және ауыл шаруашылығы министрінің орынбасары Юрий Нозадзеден коронавирус анықталды, - деп хабарлайды РИА Новости.

"10 наурызда екінші сынама нәтижесінде министр орынбасары Юрий Нозадзеден коронавирус анықталды. Ол дәрігерлердің бақылауымен емін жалғастырады", - делінген ведомство хабарламасында. 

Ведомство мәліметі бойынша, өткен аптада Нозадзе отбасының мүшесінен коронавирус табылған, кейін министр орынбасары өз-өзін оқшаулаған. Ең бірінші алынған сынамадан коронавирус анықталмаған. Бір аптадан кейінгі сынамада Нозадзеден коронавирус табылып отыр. 

Қазір Грузияда 23 адамның вирус жұқтырғаны белгілі. Грузиялық шенеуніктерден экономика және тұрақты даму министрінің орынбасары Геннадий Арвеладзе мен парламентте аграрлық мәселелер комитетінің төрағасы Отар Данелия өз-өзін оқшаулаған. 

Қазақстан жаңалықтары. Соңғы жаңалықтар. Telegram желісінде бізге жазыл!