Янукович Украинадан қалай қашқанын айтып берді

Украинаның бұрынғы президенті Виктор Янукович Der Spiegel басылымына Украинадан қалай қашқанын айтып берді, - деп хабарлайды Газета.ru.

Януковичтің айтуынша, оның кортежіне Мелитополь түбінде (Запорожь облысындағы қала) қарулы шабуыл жасалуы керек болған.

"Шамамен 100 адам екі пулеметпен менің жолымды кесіп, барлығын атып тастағысы келді", - деп мәлімдеді ол.

Айтуынша, алдын ала ескерткендіктен, бұл қауіптің алдын алу мүмкін болған.

Сонымен қатар, Украинаның экс-президенті 45 жыл отасқан әйелімен ажырасқаны жайлы дай айтты. Қазіргі уақытта Янукович бұрынғы аспазының сіңлісімен бірге тұрып жатыр. Екеуі Украинадан бірге қашқан.