Йеменде лаңкестердің шабуылынан 10 сарбаз қаза тапты

Йеменнің оңтүстігінде орналасқан әскери жасаққа жасалған шабуылдың нәтижесінде кемінде йемендік 10 сарбаз қаза тауып, тағы 18-і зардап шеккен.

Оқиға Лакдж қаласында болған, шабуыл жарылғыш заттарға толы автокөліктің жарылуынан басталды, - деп хабарлайды РИА Новости Синхуа агенттігіне сілтеме жасап. Сарбаздар бетіне бетперде киген лаңкестерге қарсы тойтарыс беріп, бірнешеуін жаралаған.

Еске салайық, 2015 жылы сәуір айында Йеменде халықаралық коалиция шейіт бүлікші-хоуситтеріне әуе соққыларын жасаған. Сол кезде онда тұрып жатқан еліміздің азаматтары эвакуацияланған болатын.