Интернет жұлдызы тікелей эфир жүргізіп отырып өліп кетті

Пәкістандық атақты блогер Даниял Хан және оның үш досы жол апатынан қаза тапты, - деп хабарлайды The News.

Жігіттер Исламабадты көлікпен аралап, онлайн-трансляция жүргізген. Көлік жүргізушісі көлікті басқара алмай, асқан жылдамдықпен жүк көлігіне соқтығысқан. Соққының қатты болғаны соншалық, жеңіл көліктегі адамдар тіл тартпай кеткен. Оқиға тікелей эфирге түсіп қалған. Даниял Хан мен оның достары 20 мен 22 жас аралығындағы азаматтар болған.

© instagram.com/shdaniyalkhan47

Даниял Ханды әлеуметтік желінің жұлдызы деп санаған. Оның TikTok желісінде 200 мыңға жуық оқырманы, Instagram желісінде 40 мыңға жуық оқырманы болған.