Ирактағы жарылыстан 100 адам қаза тапты

Ирактың  Бани-Саад қаласында болған жарылыстан 100 адам қаза тапты, - деп хабарлайды РИА Новости.

Полиция ақпараты бойынша, үш тонна жарылғыш зат автомобильге қойылған. Жарылыс адамдар Рамазан айының аяқталғанын тойлау үшін базар маңына жиналған кезде болды. 

Полицейлердің айтуынша, жарылыс соққысы қатты болғаны соншалық, адамдардың денелерінің бөлшеrnthі үйлердің төбесіне дейін ұшып кеткен. "Кей адамдар балалардың денесінің бөлшектерін жинау үшін жеміс-жидек салатын қораптарды пайдаланды", - деді полиция өкілі Ахмед әл-Тамими. Жарақаттанғандардың саны әзірше белгісіз.

Террорлық актіні ДАИШ ұйымы мойнына алды.