Иранда мыңдаған адам саңырауқұлақтан уланып, 15 адам көз жұмды

Иранда саңырауқұлақтан уланған 15 адам көз жұмып, мыңдаған адам зардап шеккен, - деп хабарлайды РИА Новости порталы Fars агенттігіне сілтеме жасап. 

Мұның алдында 11 адам мерт болып 800 адам зардап шеккені хабарланған болатын.

"Қазіргі таңда 1017 адам ауруханаға жөнелтіліп, оның ішінде 116 адам жатқызылды, ал 15 адам көз жұмған", - деп мәлімдеді елдің апат қызметінің өкілі Моджтабу Халеди.

Бірнеше күн бұрын Иранда саңырауқұлақтан жаппай улану болғаны хабарланған. 19 мамырда 720 адамның уланғаны және 9 адамның көз жұмғаны белгілі болған. Оқиға бірнеше аймақта  -  Керманшах, Күрдістан, Лурестан, Зенджан, Батыс және Шығыс Әзірбайжан мен Хамаданда болған.