Италияда көліктер тұрған көпір опырылды: Үйінді астынан адамдар іздестіріліп жатыр

Италияның батысындағы Генуя қаласында көліктер тұрған көпір опырылды, - деп хабарлайды РИА Новости өрт сөндіру қызметіне сілтеме жасап.

"Оқиға орнына құтқарушылар мен кинологтар командасы кетті", - делінген хабарламада.

Rainews24 телеарнасының мәліметінше, төтенше жағдай кезінде бірнеше көлік құлап кеткен. Үйінді астында адамдар қалып қалуы мүмкін екен. Қазіргі уақытта көпір аумағында қозғалыс тоқтатылды.

Алдын ала нұсқа бойынша, төтенше жағдайға құрылыстың шөгуі себеп болған.