+7 (777) 001 44 99
Қазақша
Русский
English
21 мамыр 2021 | 09:38
Израиль мен ХАМАС атысты тоқтату туралы келісімге келді
Израиль қауіпсіздік кабинеті мүшелері Газа секторындағы атысты тоқтатуға дауыс берді, - деп хабарлайды Reuters.
ПОДЕЛИТЬСЯ
Израиль қауіпсіздік кабинеті мүшелері Газа секторындағы атысты тоқтатуға дауыс берді, - деп хабарлайды Reuters.
Бұл туралы Израиль премьер-министрі Биньямин Нетаньяхудың баспасөз хатшысы мәлім етті.
Көп ұзамай ХАМАС діни қозғалысы да ұрыс қимылдарын тоқтатуға дайын екенін білдірді. Қозғалыс өкілі Израиль-Палестина арасындағы әскери әрекеттер басталғаннан 11 күннен кейін бітімге келгенін айтты.
"Атысты тоқтатуға өзара келістік, ол екі жақта да 21 мамырда жергілікті уақыт бойынша түнгі сағат 2-де (Нұр-Сұлтан уақытымен 5:00-де) күшіне енеді", - деді ХАМАС басшысы Исмаил Ханияның Газадағы өкілі.
ХАМАС атыс тоқтауын "Палестина халқының жеңісі" деп атады.
"Палестиналықтардың қарулы қақтығысы Израиль тарапы тоқтағанша жалғасады", - деді ХАМАС өкілі.
Израиль өз кезегінде Газа Израиль аумағына зымыран шабуылдарын жасаса, атыс қайта жалғасатынын ескертті.
Еске салайық, Израиль мен ХАМАС арасындағы қарулы қақтығыс 10 мамырда басталған, оған Израиль билігінің бірнеше араб отбасын Иерусалимдегі үйінен шығару туралы шешімі себеп болған. Сол күні ХАМАС Израиль аумағына зымыранмен шабуыл жасаған. Бұған жауап ретінде Израиль Газа секторын атқылай бастаған.
Бұл қақтығыс салдарынан екі тарапта да көптеген адам қаза болған еді, оның ішінде бейбіт тұрғындар да бар.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
