Израильде карантинге байланысты барлық шектеу алынды

Израильде коронавирус жағдайының тұрақталуына байланысты барлық карантин шектеуі алынды, - деп хабарлайды Kan радиосы. 

Израильдің Денсаулық сақтау министрлігінің мәліметінше, бұған дейін 31 мамырға дейін қолданылған шектеулер коронавирустың төмен және тұрақты деңгейіне байланысты ұзартылмады.

Тек мекемелердің ішінде маска тағу ережесі қалды. 

"Жабық мекемелерде маскаларды міндетті түрде тағу туралы бұйрық басқа шешщім шыққанға дейін күшінде қалады", - деді ДСМ өкілі.

Қоғамдық және ойын-сауық мекемелерінің жұмысына қойылған шектеулер де алынды. Яғни дүкендер мен мейрамханалар бұдан былай COVID-19 вакцинациясы туралы құжатты талап етпейді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!