Жапонияда бірнеше жер сілкінісі мен афтершок тіркелді

Жексенбі күні таңертең жергілікті уақыт бойынша Иватэ префектурасының жағалауында магнитудасы 6,1 болатын жер сілкінісі болды. Содан бері алтыдан астам афтершок тіркелді, деп хабарлайды Tengrinews.kz тілшісі NHK сайтына сілтеме жасап.

Метеорологиялық агенттік цунами қаупі жоқ екенін мәлімдеді. Болжам бойынша, жер сілкінісінің магнитудасы 6,1-ді құрады.

Бұған дейін, бейсенбі күні Иватэ префектурасының жағалауында магнитудасы 7,2 болатын жер сілкінісі болған еді. Тұрғындарға алдағы бір апта ішінде қуаты 6 балл және одан да жоғары болуы мүмкін жаңа жерасты дүмпулеріне байланысты сақ болу ұсынылды.

Билік өкілдерінің мәліметінше, табиғи апат салдарынан қаза тапқандар жоқ. Сондай-ақ тұрғын үйлердің, көлік инфрақұрылымының немесе тыныс-тіршілікті қамтамасыз ету нысандарының айтарлықтай қирауы туралы ақпарат түскен жоқ.

Жер сілкінісінен кейін Жапония билігі шұғыл қызметтердің жұмысын үйлестіру, қирау туралы ақпарат жинау және зардап шеккендерге көмек көрсету үшін жедел штаб құрды.

Еске сала кетейік, Венесуэлада жергілікті биліктің соңғы мәліметтері бойынша, жойқын жер сілкінісі салдарынан қаза тапқандар саны 1450 адамға дейін өсті.