Желіде ірі аллигатордың видеосы талқыланып жатыр

АҚШ-тағы Флорида штатының тұрғындары ірі қолтырауынды көріп, жағасын ұстады, - деп хабарлайды Tengrinews.kz тілшісі LADbible порталына сілтеме жасап. 

Желіде ірі аллигатордың видеосы жарияланды. Видео Флорида штатының Неаполь қаласындағы Валенсия клубының гольф алаңында түсірілген.

Желі қолданушылары алғашында видеоға сенбеген. Олар оны видеомонтаж деп ойлаған. Алайда жергілікті метеоролог Мэтт Девитт бейненің өңірде түсірілгенін растады.

Порталдағы мәлімет бойынша, Флоридада 2 миллионнан аса аллигатор бар. Бірақ олардың 3,4 метрге дейін өсуі сирек кездеседі екен. Алайда ұзындығы 4,5 метр болатын аллигатор да болыпты. Бірақ ғалымдар бұл ақпаратты растаған жоқ.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!