+7 (777) 001 44 99
Қазақша
Русский
English
18 қараша 2021 | 08:44
Кабулдағы полиция бөлімшесінің маңында жарылыс болды
Кабулдың батысында 17 қарашада екі жарылыс болды. Қаза тапқандар мен зардап шеккендер бары мәлім болды, - деп хабарлайды Tengrinews.kz тілшісі Aamaj News басылымына сілтеме жасап.
ПОДЕЛИТЬСЯ
Кабулдың батысында 17 қарашада екі жарылыс болды. Қаза тапқандар мен зардап шеккендер бары мәлім болды, - деп хабарлайды Tengrinews.kz тілшісі Aamaj News басылымына сілтеме жасап.
Бірінші жарылыс Даште-Барчи ауданында болған, автокөлікке жарылғыш зат орнатылған. Теракт салдарынан үш адам қаза болды.
Екінші жарылыс Дехбури ауданында болды. Полиция бөлімшесінде тағы бір автомобиль жарылған. Куәгерлер жеті адам қаза болғанын хабарлаған.
ІІМ өкілі Саид Хосте бір бейбіт тұрғын қаза тапқанын, ал зардап шеккендер саны алтау екенін хабарлады. Оның ішінде үш әйел бар. Куәгерлер болса кем дегенде төрт адам қаза болғанын және тағы алтауы зардап шеккенін хабарлады.
Reuters агенттігінің хабарына қарағанда, жарылыстарға жауапкершілікті ДАИШ тобы (Ислам мемлекеті - Қазақстанда тыйым салынған террористік ұйым) өз мойнына алған.
Еске салайық, 15 қарашада Кабулдың батысындағы ауданда жарылыс болғаны хабарланған. Оқиға магниттік бомба сол аймақтағы микроавтобусты қиратып, бірнеше адамды өлтіріп, жарақаттағаннан екі күн өткен соң болған. Оқиға үшін жауапкершілікті ДЖАИШ тобы (Ислам мемлекеті - Қазақстанда тыйым салынған террористік ұйым) өз мойнына алды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
