Канада астанасының басшысы каминг-аут жасады

Оттава қаласының мэрі Джим Уотсон ашық түрде өзінің гомосексуалды екенін Ottawa Citizen басылымда жазды, - деп хабарлайды РИА Новости.

"Мен - геймін. Міне, мен осыны айттым, нақтырақ келгенде жаздым. Осы екі сөзді айту үшін, маған 40 жыл керек болды. Ештен кеш жақсы дейді", - деп жазды Канада астанасының 58 жастағы әкімі. 

Уотсонның айтуынша, ол осыны ертерек айтпағанын "үлкен қателік" деп санайды екен. 

Канада премьер-министрі Джастин Трюдо Уотсонға өз оқиғасымен бөліскені үшін алғыс білдірді. "Жігерлі сөздер, меніңше бұл Оттава тұрғындарын және барша канадалықтарға шабыт береді және өздерінің кім екенін ұялмауға шақырады", - деп жазды Трюдо Twitter желісіндегі парақшасында.