+7 (777) 001 44 99
Қазақша
Русский
English
17 наурыз 2020 | 15:15
"Қатемізді қайталамаңыздар". Италиялықтар үндеу жасады
Италияның кинематографистері коронавирус пандемиясына байланысты "10 күн өткен соң" атты ролик түсірді, - деп хабарлайды The Atlantic.
ПОДЕЛИТЬСЯ
Италияның кинематографистері коронавирус пандемиясына байланысты "10 күн өткен соң" атты ролик түсірді, - деп хабарлайды The Atlantic.
Ролик авторы Олмо Парентидің айтуынша, италиялық БАҚ-тар жаңа вирустың таралғаны жайлы хабарлай бастаған кезде жергілікті халықтың көбі оған аса мән берген жоқ. Көбі тіпті COVID-19 жайлы жаңалықтарды естіп, үрейленгендерге қарап күліп жүрді дейді.
Парентидің айтуынша, бірнеше күннен соң оған Италияда ақырзаман болған сияқты көрінген. Он мыңнан аса адам вирус жұқтырып, мыңдаған адам қайтыс болған. Төтенше жағдай жарияланып, үйден шығуға тыйым салынған.
"Бастапқыда көбі бұл жағдайдың ушығатынын білген жоқ, оны маңызды деп санамады, вирустың жаппай таралуына да осы себеп болған шығар. Біз жаңалықтардан басқа елдердің біздің қатемізді қайталап жатқанын естіп жатырмыз. АҚШ пен Ұлыбританияда 10 күннен соң Италиядағы жағдай болады деп жатыр. Сондықтан біз италиялықтардан 10 күн бұрынғы жағдайды сұрап, кеңестер сұрадық", - дейді режиссер.
"Бетперде сатып алуды сұрап жатқан анаңа күлме, бар да бетперде сатып ал", - дейді видеода.
"Біз жағдайды түсінбедік, бағаламадық, қатемізді қайталамаңыздар, үйде отырыңыздар", - делінген роликте.
Еске салайық, мұның алдында Италияда бір тәулікте коронавирустан 350-ге жуық адамның қайтыс болғаны хабарланған болатын. Елде дерттен өлім құшқандардың саны 2 мыңнан асып кетті.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
