Қазақстанда жұмыс істеген. АҚШ-та Ресейдегі жаңа елші бекітілді

АҚШ Конгресінің сенаты Линн Трейсиді Ресейдегі елші лауазымына кандидат ретінде бекітуді қолдады, - деп хабарлайды Tengrinews.kz тілшісі АҚШ Сенаты сайтына сілтеме жасап.

Қазір Армениядағы елші қызметін атқарып жүрген Линн Трейси Ресейде осындай қызмет атқаратын алғашқы америкалық болмақ. Ол Мәскеуде жұмыс істеген, алдымен 1980-жылдардың аяғында, содан кейін 2014-2017 жылдары.

Сонымен қатар, Трейси орыс тілін меңгерген және Орталық және Оңтүстік Азияда бірнеше лауазымдарды атқарған. Осылайша, 2003-2004 жылдары Еуропа және Еуразия істері жөніндегі бюрода (EUR) Қазақстан бойынша үйлестіруші болып жұмыс істеген. 2004-2006 жылдары Қазақстандағы АҚШ елшілігінде жұмыс істеген.

Ол жаңа лауазымында 4 қыркүйекте бұл қызметтен кеткен Джон Салливанды ауыстырады. Осыдан кейін елшілікті уақытша сенімді өкіл Элизабет Руд басқарды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!