+7 (777) 001 44 99
Қазақша
Русский
English
18 қаңтар 2022 | 15:54
Қазақстандықтар Түркиядан жылжымайтын мүлік сатып алушылардың алғашқы ондығына енді
2021 жылы Түркиядан баспана алғысы келетін қазақстандықтардың саны айтарлықтай өскен, - деп хабарлайды Tengrinews.kz тілшісі Түркия статистика институтының сайтына сілтеме жасап.
ПОДЕЛИТЬСЯ
2021 жылы Түркиядан баспана алғысы келетін қазақстандықтардың саны айтарлықтай өскен, - деп хабарлайды Tengrinews.kz тілшісі Түркия статистика институтының сайтына сілтеме жасап.
Статистикаға сүйенсек, өткен жылы Қазақстан азаматтары Түркиядан 2090 пәтер мен үй сатып алған. Бұл көрсеткіш былтырғы жылмен салыстырғанда екі есе көп. Ел тұрғындары 2020 жылы Түркиядан 1171 пәтер сатып алған.
©REUTERS
Жалпы Түркияда шетелдіктерге баспана сату бір жылда 44 пайызға артып, 59,3 мыңға жетті. Қазақстандықтар осы елде пәтер мен үй сатып алған барлық шетелдіктер арасында 6-шы орынға ие болды. 2021 жылы Түркиядағы ең көп шетелдік үй сатып алушылар Иран мен Ирак азаматтары болған, олар 10 мың және 8,7 мың пәтер мен үй сатып алған.
©REUTERS
Қазақстандықтар 2021 жылдың желтоқсан айында тұрғын үй сатып алуда ерекше белсенділік танытты - 282, бұл 2020 жылмен салыстырғанда 1,5 есеге көп. Осылайша, қазақстандықтар өткен жылдың желтоқсан айында Түркиядағы жылжымайтын мүлік сатып алушылардың бестігіне енді.
Ыстамбұл, Анталия, Анкара, Мерсин, Бурса және Измир шетелдіктер арасында танымал аймақтар болып саналады.
Сарапшылардың пікірінше, тұрғын үйге сұраныстың өсуінің негізгі себептері - пандемия, себебі көп адам қашықтан жұмыс істеу мүмкіндігіне ие болды және 2020 жылы сұраныстың төмендеуі, елге кіруге бірнеше ай шектеу қойылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
