Клинтон Трампқа қоңырау соғып, жеңілгенін мойындады

Демократиялық партиядан АҚШ президенттігіне үміткер болған Хиллари Клинтон өзінің бұрынғы бәсекелесі Дональд Трампқа қоңырау соқты. Бұл туралы Трамп өз сөзінде мәлімдеді.

Клинтон Трампқа оның сайлаушылардан көп дауыс жинауына байланысты хабарласқан. Айта кетейік, Трамптың жеңісі жайлы Washington Post, Bloomberg және Assosiated Press басылымдары жариялаған болатын.

Еске салайық, АҚШ президенттігіне сайлау 8 қарашада басталған. 19 желтоқсанда формалды сайлау процедурасы өтеді, ал 2017 жылдың 6 қаңтарында АҚШ конгрессі қорытындыны бекітеді. Ұлықтау рәсімі 20 қаңтарға жоспарланған, осы кезде АҚШ президенті өз ұызметіне кіріседі.