Кроуфорд Әлімханұлы қатысқан бокс кешінің басты жекпе-жегінде әлем чемпионы атағын қорғады

Америкалық Теренс Кроуфорд жартылай орта салмақтағы WBO тұжырымы бойынша әлем чемпионы атағын қорғады, - деп хабарлайды Tengrinews.kz тілшісі Vesti.kz сілтеме жасап.

Шон Портер жеңіліп көрмеген боксшыдан титулды тартып алуға тырысты. Олардың жекпе-жегі Лас-Вегастағы Top Rank шоуының басты жекпе-жегі болды. Жекпе-жек 12 раундқа жоспарланған болатын, бірақ оныншы раундта Кроуфорд Портерді екі рет нокдаунға түсірді.

Кроуфорд үшін бұл жеңіс кәсіпқой жекпе-жектегі 38-ші, уақытынан бұрын аяқтаған 29-жеңісі болды. Портер мансабында төртінші мәрте жеңіліске ұшырады.

Еске салайық, осы бокс кешінің андеркартында орта салмақтағы қазақстандық Жәнібек Әлімханұлы бұрынғы әлем чемпионы Хассан Н'Дам Н'Жикамды нокаутпен жеңді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!