27 наурыз 2024 09:31

Қырғыз олигархы Райымбек Матраимов қолына кісен салынып, Бішкекке жеткізілді

Фото: МҰҚК

Қырғызстан кеден қызметі басшысының бұрынғы орынбасары Райымбек Матраимов Бакуден Бішкекке экстрадицияланды. Бұл туралы Kaktus.media басылымы мәлімдеді, - деп хабарлайды Tengrinews.kz тілшісі.

ПОДЕЛИТЬСЯ

Қырғызстан кеден қызметі басшысының бұрынғы орынбасары Райымбек Матраимов Бакуден Бішкекке экстрадицияланды. Бұл туралы Kaktus.media басылымы мәлімдеді, - деп хабарлайды Tengrinews.kz тілшісі.

Матраимовты үкімет ұшағымен алып кеткені айтылды. Онымен бірге "Ошгаз" кәсіпорны директорының бұрынғы орынбасары Тілек Матраимовты да келді.

Әлеуметтік желіде Матраимовты Бішкекке жеткізген фотосуреттер тарап кетті. Бір суретте олигархтың қолына ұшақ бортында кісен салынғаны көрінеді. Екінші сурет Бішкек әуежайында түсірілген - қызметкерлер ер адамды ұшақтан алып шыққан.

Реклама
Реклама

Матраимовты экстрадициялаудан кейін мемлекеттік арна қызметкерлері одан пікір білдіруін сұрады. Видеода арнайы жасақ сарбаздарының сұрақтарға жауап беруі үшін оның қолынан, басынан ұстап тұрғанын көруге болады.

23 наурызда Қырғызстанның МҰҚК Бішкекте Қырғызстан басшылығына қастандық жасамақ болған трансұлттық ұйымдасқан қылмыстық топтың бес мүшесі ұсталғанын хабарлады. Комитет оларды Әзербайжаннан келгенін айтты. МҰҚК Матраимовтың ұсталғандармен байланысын анықтады.

Біраз уақыттан кейін комитеттің баспасөз қызметі өкілдері қосымша мәлімдеме жасап, онда іздеуде жүрген қырғыз олигархы Райымбек Матраимов Әзербайжан астанасы Бакуде жүргенін хабарлады. Ал қазір оны ұстау және одан әрі Қырғызстанға экстрадициялау мәселесі Әзербайжанның құқық қорғау органдарымен талқыланып жатқанын жеткізді.

2024 жылғы қаңтардың аяғында Райымбек Матраимовқа Ұлттық қауіпсіздік комитеті іздеу жариялап, оның миллиардтаған сомдық жылжымайтын мүлкін мемлекет меншігіне өткізген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!


Показать комментарии
Читайте также
Реклама
Реклама
Join Telegram