+7 (777) 001 44 99
Қазақша
Русский
English
17 қазан 2020 | 09:33
Қырғызстан МҰҚК жаңа басшысы қылмыстық топтарға қатаң ультиматум қойды
Қырғызстанның Мемлекеттік ұлттық қауіпсіздік комитетінің (ҰҚК) жаңа басшысы Қамшыбек Ташиев елдегі бандитизмге қарсы күрес қатаң түрде жалғасатынын мәлімдеді. Оның айтуынша, енді ешкім ешкімді "қорғамайды". Бұл туралы АКИргеѕѕ және 24.kg жазды.
ПОДЕЛИТЬСЯ
Қырғызстанның Мемлекеттік ұлттық қауіпсіздік комитетінің (ҰҚК) жаңа басшысы Қамшыбек Ташиев елдегі бандитизмге қарсы күрес қатаң түрде жалғасатынын мәлімдеді. Оның айтуынша, енді ешкім ешкімді "қорғамайды". Бұл туралы АКИргеѕѕ және 24.kg жазды.
"Енді ешкімді ешкім қорғамайды. Құрметті бизнес, өтініш көтеріліңіздер, бізге ақпарат беріңіздер. Біреу біреудің артын жапса немесе қысым жасаса, біз лауазымға қарамастан бәрін жазалаймыз. Егер Қамшы Көлбаев (қырғызстандық ұры) заң бұзса, ол жазаланады, түрмеге отырады", - деді Ташиев 16 қазанда Бішкекте өткен баспасөз мәслихатында.
Осыған байланысты ҰҚК басшысы қылмыстық топтарға үндеу жасады. "Құрметті бандиттер, сіздерге аз уақыт беріледі - заң бойынша өмір сүріңіздер, болмаса беріліңіздер немесе елден кетіңіздер. Біздің мемлекет бандиттік немесе сыбайлас жемқорлыққа толы болмайды. Бірде-бір қылмыс әлемінің серкесі екі-үш "Лексусқа" мініп, кортеж жасамауы керек. Енді бандиттер жасырынып, қашып жүреді. Бәрінің алдында ескертемін", - деді Ташиев.
Сондай-ақ, ҰҚК-нің жаңа басшысы шекарада контрабанда болмайды деп уәде берді. Оның айтуынша, Қырғызстандағы барлық келеңсіздік контрабанда мен сыбайлас жемқорлықтан шығады.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
