Қырғызстан ҰҚШҰ-дан шығу туралы қауесеттерге жауап берді

Қырғызстан президентінің баспасөз хатшысы Эрбол Сұлтанбаев республика ҰҚШҰ құрамынан шығуды жоспарлап отыр деген ақпаратты жоққа шығарды, - деп хабарлайды Tengrinews.kz тілшісі.

Бұған дейін Желіде Қырғызстан ҰҚШҰ-дан шығып, НАТО-ға кірмек деген ақпарат тараған еді.

"Әлеуметтік желілерде тараған Қырғызстан ҰҚШҰ-дан шығып, НАТО-ға кіруді қарастырып жатыр деген ақпарат шындыққа жанаспайды. Жалған және арандатушы ақпарат таратпауды және сенімді, ресми ақпарат көздеріне сенуді өтінемін", - деп жазды Сұлтанбаев Facebook-парақшасында.

Сілтемесіз жаңалық оқисыз ба? Онда Telegram желісінде парақшамызға тіркеліңіз!