Қырғызстанның бұрынғы премьер-министрі Омурбек Бабанов еліне оралды

Омурбек Бабанов дәрігерлер ұшуға тыйым салғандықтан Мәскеуден Бішкекке автокөлікпен келді, - деп хабарлайды Tengrinews.kz тілшісі.

Бабановтың көмекшісі Мирсулжан Намазалиев Tengrinews.kz тілшісіне бұрынғы үкімет басшысының Мәскеуден Бішкекке көлікпен келгенін айтты.

"Ол дәрігерлер ұшуға тыйым салғандықтан ұша алмады. Кеше келді, қазір үйде", - деді ол.

Биыл 31 мамырда Бабанов "Құмтөр" алтын кен орнын игеру жобасын іске асырудың әртүрлі кезеңдерінде сыбайлас жемқорлық фактілері бойынша қылмыстық істі тергеу аясында ұсталған болатын.

Шілдеде бұрынғы премьер-министрге бұлтартпау шарасы өзгертілді, ол Қырғызстаннан шетелге емделу үшін кетті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!