Қытай америкалық журналистерге жауап қайтармақ - БАҚ

Қытай америкалық журналистерді елден шығарып жіберуі мүмкін. Бұл туралы Global Times газетінің бас редакторы Ху Сицзинь айтты, - деп хабарлайды Tengrinews.kz тілшісі.

"Америкалық тарап қытайлық журналистердің визасын ұзартқан жоқ. Мұны ескерсек, Қытай тарапы жаман сценарийге дайындалып жатыр. Ол бойынша барлық қытайлық журналист АҚШ-тан қайтуы керек. Сондай-ақ, Қытай тарапы Гонконгтағы америкалық журналистерге  де жауап қайтарады", - деп жазды Global Times бас редакторы Twitter-дегі парақшасында.

Айта кетейік, биыл Қытай мен АҚШ арасындағы байланыс ушыға түсті. Осыған дейін АҚШ Қытайдан Хьюстондағы консулдығын жабуды талап еткен еді. Ал Қытай АҚШ-тан Сычуандағы консулдығын жабу талабын қойған.

Қазақстан жаңалықтары. Соңғы жаңалықтар. Telegram желісінде бізге жазыл!