Қытай ғалымдары квант компьютер шығарғанын мәлімдеді

Қытай ғалымдары Google прототипінен 10 миллиард есе жылдам және әлемдегі ең мықты квант компьютер дайындағанын мәлімдеді. Мұндай жылдамдық физикалық күрделі сараптамаларды есептегенде қажет, - деп хабарлайды Tengrinews.kz тілшісі Xinhua басылымына сілтеме жасап. 

Қытайлық ғалымдар компьютерді тестілеу нәтижесін Science журналында жариялады. Квант компьютерлердің суперкомпьютерлерден ерекшелігі - олар күрделі есептеу жүйесін тез жүзеге асыра алады. Олар квант механикасын пайдаланып, бит бірлігімен (0 немесе 1) емес, кубитпен (бір уақытта 0 және 1 бола алады) жұмыс істей алады. 

Xinhua мәліметінше, Қытай үшін бұл - "есептеу жүйесіндегі аса маңызды жаңалық" және квант есептеуіндегі толық масштабтағы жетістіктің бірінші кезеңі. Кәдімгі компьютерлер белгілі бір уақытта мұндай сандарды есептей алмайды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!