Қытайда шошқа тұмауының жаңа штаммы анықталды

Қытайда шошқа тұмауының жаңа штаммы анықталды, - деп хабарлайды ScienceAlert.

Жаңа штаммға G4 атауы берілді. Ол 2009 жылы пандемияның пайда болуына әсер еткен H1N1 вирусының генетикалық ұрпағы делінеді. 

Зерттеушілер 30 000-нан аса шошқа етіне зерттеу жүргізіп, 179 вирусты анықтаған. Олардың ішінде ең жұқпалы G4 штаммы болған. Ол адам жасушаларында белсенді түрде көбейген. 

Антиденелерге арналған тест нәтижелері бойынша, ет комбинатында жұмыс істейтін он қызметкердің бірі жаңа штамм жұқтырған. Тестілер Қытай халқының 4,4 пайызы вирусқа жұқтырғанын көрсеткен. Осылайша ғалымдар вирус жануарлардан адамға жеткенін дәлелдеді.

Енді зерттеушілер вирус одан әрі мутацияланады деп қорқып отыр. Сондай-ақ, оның халық арасында жаңа пандемияның тарауына әсер етуі мүмкін деген қауіп бар екені айтылады.

Қазақстан жаңалықтары. Соңғы жаңалықтар. Telegram желісінде бізге жазыл!