Қытайдағы жолаушылар ұшағы құлаған жерден алғашқы кадрлар пайда болды

"360" телеарнасы Қытайдың оңтүстігінде China Eastern компаниясының Boeing 737 жолаушылар ұшағының апатқа ұшыраған жерінен түсірілген кадрларды жариялады, - деп хабарлайды Tengrinews.kz тілшісі РИА Новостиге сілтеме жасап.

Куәгердің алыс қашықтықтан түсірген видеоларының бірінен әуе кемесі құлаған жерде пайда болған көк түтінді байқауға болады. Басқа кадрларда лайнердің сынықтары көрсетілген.

ҚХР ұлттық теледидарының хабарлауынша, ұшақ Гуанси-Чжуан автономиялық ауданында апатқа ұшыраған. Бортта 133 адам болған.

Қаза тапқандар мен жараланғандар туралы әзірге ақпарат жоқ, іздестіру-құтқару жұмыстары жүріп жатыр. Оқиға орнында орман өрті басталды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!