Қытайдың оңтүстігінде 133 жолаушы отырған ұшақ апатқа ұшырады

Қытайдың оңтүстігінде Boeing 737 жолаушылар лайнері апатқа ұшырады, - деп хабарлайды Tengrinews.kz тілшісі РИА Новостиге сілтеме жасап. 

"Бортында 133 адам болған China Eastern Airlines авиакомпаниясының Boeing 737 жолаушылар ұшағы ҚХР Гуанси-Чжуан автономды ауданындағы Учжоу қалалық округінің Тэн уезінде апатқа ұшырады", - делінген хабарламада.

Қаза болғандар мен жараланғандар туралы ақпарат түскен жоқ, іздестіру-құтқару жұмыстары басталды.

Апат орнында орман өрті басталғаны белгілі болды.  

Сілтемесіз жаңалық оқисыз ба? Онда Telegram желісінде парақшамызға тіркеліңіз!