"Ламбада" хитінің орындаушысы өлі күйде табылды

"Ламбада" хитімен танымал болған бразилиялық әнші Лоалва Браз Рио-де-Жанейро штатындағы Сакуарема қаласында өлі күйде табылды, - деп хабарлайды Lenta.ru жергілікті UOL порталына сілтеме жасап.

Әйел адамның күйік шалған денесі өз көлігінен табылған. Полиция бұл істі тергеуге алып, әншіні өлтіріп кеткен болуы мүмкін деген болжам жасап отыр. 

Лоалва Браз 1953 жылы Рио-де-Жанейрода дүниеге келген. 1989  жылы ол бразилиялық Kaoma поп-группасымен бірігіп, көптеген елдердің хит-парадтарында көш бастаған "Ламбада" әнін жазған болатын. Кейінгі жылдары Браз Рио-де-Жанейрода тұрып жатқан еді.