Малайзияда 30-дан аса альпинист із-түссіз жоғалып кетті

Малазиялық Саравак штатындағы Бау қаласының маңындағы Брик тауына шығу кезінде кемінде 35 альпинист із-түссіз кетті, - деп хабарлайды  РИА Новости.

Альпинистер тобының жоғалып кеткені туралы хабарлама 12 желтоқсанда таңғы уақытта түскен. Кесте бойынша, олар тауға шығуды сенбі күні бастап, жексенбі күні кері қайтып келуі керек болатын.

Басылымның мәліметінше, жоғалып кеткен альпинистерді іздеуге құтқарушылар тобы жіберілді. Оларға жергілікті тұрғындар да қосылды.