Мали президенті отставкаға кетті

Елдегі көтерілістен соң Мали президенті Ибрагим Бубакар Кейт отставкаға кетті, - деп хабарлайды Tengrinews.kz тілшісі РИА Новости агенттігіне сілтеме жасап.

"Осы уақыттан бастап, өз өкілеттігімді тоқтатамын деп шешім қабылдадым. Мен билігімнің сақталғаны үшін қан төгілгенін қаламаймын", - деді президент тікелей эфирде. 

Сонымен қатар, ол елдің парламенті мен үкіметі таратылатынын мәлімдеді.

Айта кетейік, осыған дейін Малиде көтерілісшілер президент Ибрагим Бубакар Кейт пен премьер-министрді кепілге алғаны хабарланған еді.