Мариупольде қаралы күн жарияланды

Мариупольде қаралы күн жарияланды, деп хабарлайды Tengrinews.kz Мариуполь қалалық кеңесіне сілтеме жасап.

"Адам өліміне алып келген 2014 жылдың 9 мамырында болған жағдайларға байланысты Мариуполь қаласында 2014 жылдың 10 мамыры қаралы күн деп жарияланды. Мариуполь қаласының қалалық кеңесі қаза болғандарының туыстары мен отбасына қайғырып, көңіл білдіреді", - делінген қалалық кеңестің ресми сайтында.

Еске салайық, 9 мамыр күні Мариуполде украиналық әскерлер мен федерализация жақтастары арасында қақтығыс орын алды. Сондықтанда Мариуполге әскери бронетехника жеткізілген. Ресми ақпарат бойынша қақтығыс салдарынан 7 адам қаза болып, 39 адам жарақат алған. Ал бейресми ақпарат бойынша мерт болғандардың саны 50-ден көп.