Мәскеуде бизнесменнің ұлы жол апатынан қаза тапты

Мәскеуде шұжық зауытының иесі, бизнесмен Владимир Маруговтың ұлы Александр жол апатынан қаза тапты, - деп хабарлайды РИА Новости.

Басылымның мәліметінше, бизнесменнің ұлы мотоциклмен келе жатып жеңіл көлікпен соқтығысқан.

"Мотоциклші қаза тапты, ол Владимир Маруговтың ұлы - Александр Маругов. Жол апатының мән-жайы анықталып жатыр", - деп хабарлады басылымның дереккөзі.

Mash басылымы жариялаған видеода такси жүргізушісінің мотоциклшіге жол бермей қойғаны көрінеді. Нәтижесінде екі жүргізуші де ауруханаға жеткізілген, бірақ мотоциклшіні аман алып қалу мүмкін болмаған.