Мәскеуде қазақстандық қыз ғимараттың 86-қабатынан құлап, қаза тапты - БАҚ

Мәскеу-сити кешенінің 86-қабатынан, "ОКО" мұнарасының бақылау алаңынан бойжеткен құлап, қаза тапты, - деп хабарлайды Tengrinews.kz тілшісі "РЕН ТВ" телеарнасына сілтеме жасап.

Телеарна мәліметінше, 20 жастағы Диана есімді қыз қаза болған. Ол Мәскеуге Қазақстаннан барғаны хабарланды.

Оқиғаның мән-жайы әлі белгісіз. Мәскеу Тергеу комитеті тексеруді бастаған.

Алайда кейін Қазақстан СІМ Ресей Тергеу комитетінің дипломаттарға берген алдын ала ақпараты бойынша, қаза тапқан адам РФ азаматы екенін, сондықтан ол туралы басқа ақпарат жария етілмегенін хабарлады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!