"Махаббат және кептерлер" фильмінің жұлдызы Нина Дорошина қайтыс болды

"Махаббат және кептерлер" фильмінің жұлдызы Нина Дорошина қайтыс болды, деп хабарлады РЕН телеарнасы.

Телеарнаның мәліметінше, 20 сәуірде Дорошина кеудесіндегі ауруға байланысты дәрігерлерді үйіне шақырған. Дәрігерлер келіп, тексеріп, актрисаның жүрегіндегі ақауды байқапты (әртіс 83 жаста болған).

Mash Telegram-каналының хабарлауынша, Нина Дорошина өз үйінде көз жұмды. Қайтыс болуының себебі - қан айналымы жүйесінің ауруы.

"Таңертең оның көршісі көмекке шақырып, айқайлаған дауысын естіпті. Әйелдің пәтерінің есігі ашық болған. Ол жүрегін ұстап, ауыр тыныстаған. Дәрігерлер дереу жетті, бірақ құтқарып қалу мүмкін болмады. Бірнеше минуттан соң Дорошина көз жұмды", - делінген хабарламада.

Нина Дорошина 84 жасқа қараған шағында қайтыс болды. Ол Щукина атындағы Театр училищесін бітірген. 1959 жылдан бастап мәскеулік "Современник" театрында ойнады. Ол кинода жиырмадан аса рольді сомдаған. 1983 жылы Бүкілодақтық театр фестивалінде "Махаббат және кептерлер" спектаклі үшін тұңғыш сыйлығын алған.