+7 (777) 001 44 99
Қазақша
Русский
English
29 наурыз 2022 | 12:44
Мексикада әтеш төбелесі кезінде қанды қырғын болды: 20 адам қаза тапты
Мексикада әтеш төбелесіндегі жанжал кезінде 20 адам қаза тапты, - деп хабарлайды Tengrinews.kz тілшісі Reuters агенттігіне сілтеме жасап.
ПОДЕЛИТЬСЯ
Мексикада әтеш төбелесіндегі жанжал кезінде 20 адам қаза тапты, - деп хабарлайды Tengrinews.kz тілшісі Reuters агенттігіне сілтеме жасап.
Оқиға Мичоакан штатының батысындағы Лас-Тинахас қаласында болған. Онда "Халиско жаңа буынының картелі" (CJNG) есірткі тасымалдау жолдарын бақылау мүмкіндігін алу үшін жергілікті бандалармен күрес жүргізіп жатыр.
Мексика полициясы 19 мәйітті тапқанын хабарлады - 16 ер адам мен 3 әйел. Зардап шеккендердің бәрі оқ жарақатын алған, тағы бір жәбірленуші ауруханаға барар жолда қайтыс болған. Сондай-ақ, полицейлер оқиға орнынан 15 көлікті тәркілеген.
"Бұл - екі топтың қырғыны", - деді Мексика президенті Андрес Мануэль Лопес Обрадор адам өліміне өкініш білдіріп.
Шабуылшыларды ұстауға Мексика армиясы мен ұлттық гвардия әскері жұмылдырылған. Бірақ жанжалға қатысқандар аймақтағы ұйымдасқан қылмыстық топтардың қайсынан екені белгісіз.
Елдің көп аймағында тыйым салынғанымен, әтеш төбелесі Мексиканың кейбір бөліктерінде танымал саналады және әдетте жасырын түрде өткізіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
