Мексикадағы ұшақ апаты: Жолаушылар мен экипаж мүшелері аман қалды

Мексиканың Дуранго штатында Aeromexico компаниясының ұшағы апатынан 18 адам зардап шекті, - деп хабарлайды Риа Новости штаттың денсаулық сақтау министрлігіне сілтеме жасап. 

"Гуадалупе Виктория атындағы халықаралық әуежай маңында болған ұшақ апатының салдарынан 18 адам Дуранго ауруханасына жеткізілді", - делінген хабарламада.

Дуранго губернаторы Хосе Росас Аиспуро апат салдарынан адам шығыны жоқ екенін хабарлаған еді. Апаты кезінде ұшақта 101 адам болған, оның 97-сі жолаушы, төртеуі экипаж мүшесі.

Айта кеткен жөн, Aeroméxico авиакомпаниясының жолаушылар ұшағы ұшып шыққаннан кейін бес минуттан соң құлаған. Ол Дуранго әуежайынан 10 шақырым қашықтықта апат жағдайында қонуға тырысқан.