Муаммар Каддафидің ұлы Ливияда өтетін президент сайлауына кандидатурасын ұсынды

Мөлдір Қалықова

Саиф әл-Ислам Каддафи. © REUTERS

Ливиялық Джамахирияның бұрынғы лидері Муаммар Каддафидің ұлы Саиф әл-Ислам Каддафи алда Ливияда өтетін президент сайлауына өз кандидатурасын ұсынды. Бұл туралы оның өкілі Айман Бурас мәлімдеді, - деп хабарлайды РИА Новости.

Былтыр желтоқсан айында Каддафи отбасының өкілі Ливияның бұрынғы басшысының ұлы таяуда ел президенті болуға үміткер болғысы келетінін мәлімдеген болатын.

"Саиф әл-Ислам Каддафи алдағы президент сайлауында өзінің үміткерлігін ұсына отырып, билікке емес, елді құтқарып қалуға ұмтылады", - деді баспасөз-конференциясы барысында Айман Бурас.

Осыған дейін Ұлттық келіссөз Үкіметі Сыртқы істер министрлігі басшысы Ливиядағы президент сайлауының 2018 жылдың ортасында өтетінін мәлімдеген еді.

Ливия Каддафи Муамар Африка

Автор сұрағы

Жолдау

Пікірлер редакция тарапынан модерациядан өтеді

Пікірлерді оқу