Мұсылман қызды шешіндіріп тексерген полицейлердің басы бәлеге қалды

Нью-Йоркте мұсылман қыз хиджабын шешкізіп, тексеріс жүргізген полицейлердің үстінен шағымданды. New York Daily News хабарына қарағанда қала билігі енді мұсылман қызға 85 мың доллар өтемақы төлеп береді. 35 жастағы Рабаб Мүса 2017 жылдың қыркүйегінде ұсталып, оның барысында шешінуге мәжбүр болыпты. 

Полицейлер оған ештеңені түсіндірместен, істеген ісін мойындатуға тырысқан. Алты айдан кейін айып тақпастан, қызды босатқан. 

New York Daily News дереккөзінің мәліметінше, қыздың не себепті ұсталғаны әлі де белгісіз қалып отыр екен. Соған қарағанда оны басқа адаммен шатастырып алған көрінеді.

Қыздың адвокаты өз кезегінде клиентінің масқараланғанын және өтемақының жазаның ең жеңілі екенін мәлімдеген.