Мысырда шіркеуде өрт болып, 41 адам қаза болды

Мысырда шіркеуде өрт болып, 41 адам қаза болды, - деп хабарлайды Tengrinews.kz тілшісі Deutsche Welle агенттігіне сілтеме жасап.

Басылым мәліметінше, өрт электр сымдарының тұйықталуынан болған. Қайтыс болғандардың көбі - шіркеу жанындағы жексенбілік мектепте оқитын балалар.. 

Денсаулық сақтау министрлігі зардап шеккендерді эвакуациялау үшін оқиға орнына 30-дан аса жедел жәрдем көлігін аттандырды. 

Зардап шеккендер Имбаба ауруханасы мен көршілес Агуз ауданындағы медициналық мекемелерге жеткізілген.

Президент Абдель Фаттах ас-Сиси мемлекеттік органдарға зардаптардың салдарын жою және зардап шеккендерге көмек көрсету бойынша қажетті шаралар қабылдауды тапсырды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!