Назарбаев Тәжікстандағы лаңкестікпен күрес туралы пікір білдірді

Назарбаев Тәжікстандағы лаңкестікпен күрес туралы пікір білдірді, - деп хабарлайды РИА Новости.

"Тәжікстан Ауғанстанмен шекаралас болғандықтан, терроризм мен экстремизм оқиғалары көп болады. 4 қыркүйектегі оқиға да назардан тыс қалмады деп ойлаймын", - деді Назарбаев. Елбасы бүгін, 14 қыркүйекте Тәжікстанға ресми іссапармен келді.

Еске сала кетейік, 4 қыркүйекте Душанбе мен Вахдатта милиция қызметкерлеріне шабуыл жасалды, салдарынан тоғыз адам қаза тапты. Билік бұл шабуылға Тәжікстанның қорғаныс министрінің бұрынғы орынбасары Абдухалим Назарзода басқаратын ұйымнан күдіктеніп отыр. 11 күннің ішінде құқық қорғау органдары осы топқа қатысы бар 150 адамды ұстады.