+7 (777) 001 44 99
Қазақша
Русский
English
17 қазан 2022 | 12:07
Нигерияда алапат су тасқыны болды: қаза тапқандар бар
Нигериядағы алапат су тасқынынан 600-ден аса адам қаза тапты, - деп хабарлайды Tengrinews.kz тілшісі DW сайтына сілтеме жасап.
ПОДЕЛИТЬСЯ
Нигериядағы алапат су тасқынынан 600-ден аса адам қаза тапты, - деп хабарлайды Tengrinews.kz тілшісі DW сайтына сілтеме жасап.
Нигерияның гуманитарлық істер, апаттарды басқару және әлеуметтік даму министрі Садиа Умар Фарук су тасқынынан шамамен 603 адам қаза тапқанын айтты.
Билік өкілдерінің мәліметінше, 82 мыңға жуық үй мен 110 мың гектар ауыл шаруашылығы алқаптары су астында қалған.
Нигерия президенті Мухаммад Бухари апатты су тасқынынан зардап шеккен елді мекендер үшін елдің стратегиялық резервінен 12 мың тонна азық-түлік жеткізуге тапсырыс берді.
Бухари су тасқынынан Нигерияның 36 штатының 33-і зардап шеккенін және құтқару және апатты басқарумен айналысатын барлық федералды агенттіктерден өз әрекеттерін күшейтуді сұрағанын қосты.
Біріккен Ұлттар Ұйымы Нигериядағы климаттық өзгерістердің салдары ауыр екенін және елде жиі және қарқынды су тасқыны қаупі бар деп мәлімдеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
