Оңтүстік Кореяда университет ғимаратында жарылыс болды

Сеулдің батысындағы Йонсей университетінде жарылыс болды, жарылғыш зат салынған сәлемдеме қорабы жарылып, профессор зардап шекті, - деп хабарлайды РИА Новости жергілікті БАҚ-тарға сілтеме жасап. 

Жарылғыш заты бар сәлемдеме университетке 13 маусымда таңғы уақытта жеткізілген. Оны ашқан профессор күйіп қалып, ауруханаға жеткізілген. Куәгерлердің айтуынша, жарылыс сәлемдеме ашылған сәтте болған. Полиция оқиға орнына арнайы жедел топты жөнелтті. Тергеу жүріп жатыр. Полиция бұл әрекеттің теракт болуы мүмкін екенін жоққа шығармайды.