Оңтүстік Кореяда COVID-19 жұқтырғандардың саны қайта көбейіп жатыр

Оңтүстік Кореяда бір тәулікте 79 адамнан коронавирус анықталды, - деп хабарлайды РИА Новости. 

Басылымның мәліметінше, 79 адамның 68-і қаланың орталығында тұратындар. Ал 11-і - шетелден келгендер.

Осылайша елде COVID-19 жұқтырғандардың саны 11 344-ке жеткен.

Еске салайық, мұның алдында Оңтүстік Кореяда түнгі клубтар ашылғаннан кейін COVID-19 қайта өршіп жатқаны хабарланған еді. Сеулдегі Итхэвон ауданында ашылған түнгі клубтардың салдарынан науқастардың саны 257-ге жеткен. 

Қазақстан жаңалықтары. Соңғы жаңалықтар. Telegram желісінде бізге жазыл!