+7 (777) 001 44 99
Қазақша
Русский
English
09 наурыз 2022 | 15:20
Оңтүстік Кореяда Президент сайлауы өтіп жатыр
Оңтүстік Кореяда алдағы бес жылда елді басқаратын 20-президент сайлауы басталды, - деп хабарлайды Tengrinews.kz тілшісі Reuters агенттігіне сілтеме жасап.
ПОДЕЛИТЬСЯ
Оңтүстік Кореяда алдағы бес жылда елді басқаратын 20-президент сайлауы басталды, - деп хабарлайды Tengrinews.kz тілшісі Reuters агенттігіне сілтеме жасап.
Қазіргі президент Мун Чжэ Ина Конституцияға сәйкес қайта сайлана алмайды. Негізгі тартыс билеуші "Тобуро" либералды демократиялық партиясынан түскен үміткер Ли Чжэ Мин мен "Азаматтық күш" ірі оппозициялық Консервативті партияның өкілі Юн Сок Елем арасында өтеді.
©REUTERS
Мәлімет бойынша, сауалнама қорытындысына сәйкес екеуі де респонденттердің шамамен 40 пайыз дауысын жинап, жеңіске жету мүмкіндігіне ие. Ал өзге де сайлауға түсушілер 10 пайыздан төмен рейтингке ие және ашық аутсайдер болып саналады.
©REUTERS
©REUTERS
Дауыстарды санау сайлау учаскелері жабылғаннан кейін бірден басталады. Сайлау Оңтүстік Кореяда COVID-19 өршіп тұрған уақытта өтіп жатқаны атап өтілді. Бұған дейін билік карантиндегі жүздеген мың азаматтың сайлау учаскелеріне келуіне рұқсат берген болатын.
Жергілікті уақыт бойынша сағат 13:00-де (Нұр-Сұлтан уақыты бойынша 10:00) басталған сайлауға 44,2 миллион азамат қатысады. 5 және 6 наурызда өткен мерзімінен бұрын дауыс беруге қатысу ел үшін рекорд көрсеткіш болды: екі күннің ішінде 16,3 миллион сайлаушы (36,9 пайыз) өз дауысын берді.
Ұлттық сайлау комиссиясының мәліметі бойынша, дауыс беру таңғы сағат 6-да басталғаннан бері бүкіл ел бойынша дауыс беруге құқығы бар 44,2 миллион азаматтың 27 миллионы 14 464 сайлау учаскесінде дауыс берді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
