+7 (777) 001 44 99
Қазақша
Русский
English
15 желтоқсан 2021 | 09:19
Оңтүстік Суданда белгісіз аурудан 100-ге жуық адам көз жұмды
Оңтүстік Суданда белгісіз аурудан 100-ге жуық адам көз жұмды, - деп хабарлайды Tengrinews.kz тілшісі MaiDaillу басылымына сілтеме жасап.
ПОДЕЛИТЬСЯ
Оңтүстік Суданда белгісіз аурудан 100-ге жуық адам көз жұмды, - деп хабарлайды Tengrinews.kz тілшісі MaiDaillу басылымына сілтеме жасап.
Денсаулық сақтау министрлігі белгісіз аурудан Джонгли штатында Солтүстік Фангак қаласында ондаған адам өлгенін мәлімдеді.
Басылымның мәліметінше, Дүниежүзілік денсаулық сақтау ұйымы (ДДСҰ) 89 адам қайтыс болғаннан кейін ауру адамдардан талдау алып, үлгілерді жинау үшін жақында болған қатты су тасқынынан зардап шеккен ауданға жедел әрекет ету тобын жіберді.
"Біз қауіпті бағалау және тергеу жүргізу үшін жедел әрекет ету тобын жіберуді ұйғардық. Осылайша, олар ауру адамдардан үлгілерді жинай алады, қазіргі уақытта 89 адамның өлімі туралы мәлімет алдық", – деді ДДҰ өкілі Шейла Байя.
Фангактағы жергілікті денсаулық сақтау қызметкерлері науқастардан алынған алғашқы үлгілер аурудың тырысқақ емес екенін айтты.
Мемлекеттік жер, тұрғын үй және коммуналдық шаруашылық министрі Лам Тунгвар Куэйгвонгтың айтуынша, Юнити штатында су тасқыны безгек сияқты аурулардың таралуын арттырып, азық-түлік тапшылығына байланысты балалардың дұрыс тамақтанбауына себеп болған. Оның айтуынша, аймақтағы алқаптардағы мұнай суды ластап, үй жануарларының өліміне әкелді.
Басылымда айтылғандай, Оңтүстік Суданның солтүстігіндегі су тасқыны адамдарды азық-түлік пен басқа да маңызды тауарларға қол жетімділіктен айырды. БҰҰ UNHCR Босқындар жөніндегі агенттігі хабарлағандай, 700 жылға жуық уақыт ішінде елдегі ең ауыр су тасқынынан 60 мыңнан астам адам зардап шекті.
"Біз дұрыс тамақтанбау мәселесіне қатты алаңдаймыз. Ашығу деңгейі ДДҰ-ның шекті көрсеткішінен екі есе жоғары, ал біздің ауруханаға тамақтанбау салдарынан түскен балалар саны су тасқыны басталғаннан бері екі есе өсті", – делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
