Өзбекстандық эстрада жұлдыздары мақта теруге шықты

Өзбекстанда 100-ден аса танымал кино әртістері мен эстрада жұлдыздары және олардың фан-клубтары мақта теруге шықты, - деп хабарлайды Подробно.uz.

Мақта теруге шыққан жұлдыздар арасынан мынадай көпшілікке танымал әртістерді көруге болады: Шахзода, Юлдуз Усманова, Райхон, Мавлюда Асалхужаева, Зиеда, Алишер Файз, Гиес Бойтоев, Махмуд Намозов және тағы басқалары. 

Өзбекстан билігі соңғы кездері осындай PR-акцияларды кеңінен насихаттап, белсенді түрде олимпиада чемпиондары мен футбол клубтарының өкілдерін жұмысқа тартуда.