Пәкістанда 30 жастағы ер адам Facebook желісіндегі пікірі үшін өлімге кесілді

Пәкістанда Мұхаммед пайғамбарға тіл тигізген 30 жастағы ер адам өлім жазасына кесілді, - деп хабарлайды The Guardian.

Басылымның мәліметі бойынша, Таймур Раза сунниттік діни рәсімдер мен пайғамбардың әйелдері туралы өз ойын жазған. Бұл жағдай Facebook желісінде ислам туралы пікірталас кезінде болған. Ал Разамен дауласқан адам лаңкестікке қарсы агенттік қызметкері болып шыққан. 

Осыған байланысты сот Таймур Разаны дарға асу туралы шешім шығарған. Бұл жағдай осы елдегі пікір білдіру үшін тағайындалған ең ауыр жаза болып отыр. 

The Guardian журналситері Пәкістан үкіметі кейінгі кезде Желіде дінге тіл тигізушілермен қатаң күресіп келе жатқанын атап өтті. Осылайша, билік өкілдері Google, Facebook және өзге корпорациялардан әлеуметтік желіде дінге тіл тигізушілерді анықтап беру турды сұраған.