+7 (777) 001 44 99
Қазақша
Русский
English
19 қаңтар 2024 | 09:40
Пәкістан Ирандағы нысандарға әуеден соққы жасады
Пәкістан Ирандағы нысандарға әуеден соққы жасады. Иранның мемлекеттік ақпарат құралдары жарылыстар салдарынан кем дегенде тоғыз адамның қаза тапқанын хабарлады, - деп хабарлайды Tengrinews.kz тілшісі Deutsche Welle арнасына сілтеме жасап.
ПОДЕЛИТЬСЯ
Пәкістан Ирандағы нысандарға әуеден соққы жасады. Иранның мемлекеттік ақпарат құралдары жарылыстар салдарынан кем дегенде тоғыз адамның қаза тапқанын хабарлады, - деп хабарлайды Tengrinews.kz тілшісі Deutsche Welle арнасына сілтеме жасап.
Пәкістан бейсенбіде Ирандағы бүлікші топтарға бір түнде соққы жасалғанын мәлімдеді.
Бұл Тегеран Пәкістан аумағындағы "террористік нысандарға" шабуыл жасағаннан кейін екі күн өткен соң болған. Исламабад мәліметінше, оқиға салдарынан екі бала қаза тапқан.
"Бүгін таңертең Пәкістан Иранның Систан-о-Белужистан провинциясындағы лаңкестер жасырынған жерлерге мұқият үйлестірілген және мақсатты дәлдікпен бірқатар әскери соққылар жасады", - деп мәлімдеп, Сыртқы істер министрлігі "бірнеше террорист өлтірілгенін" айтты.
Мәлімдемеде: "Пәкістан Иран Ислам Республикасының егемендігі мен аумақтық тұтастығын толығымен құрметтейтіні" айтылған.
"Бүгінгі іс-шараның бірден-бір мақсаты Пәкістанның жеке қауіпсіздігі мен ұлттық мүдделерін қамтамасыз ету болды, бұл өте маңызды және қауіп төнбеуі керек", - делінген хабарламада.
Иранның ресми ақпарат агенттігі IRNA елдің оңтүстік-шығыс аймағында жарылыс болғанын хабарлады.
"Сараван төңірегіндегі бірқатар ауданда бірнеше жарылыс дыбысы естілді", - деп хабарлады IRNA қалада орналасқан Систан-Белужистан провинциясы өкіліне сілтеме жасап.
Иран ақпарат құралдары кем дегенде тоғыз адамның қаза тапқанын хабарлады. Жарылыстардың бірінде ирандық емес үш әйел мен төрт баланың қаза тапқаны бұған дейін хабарланған болатын.
0Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
