Папуа-Жаңа Гвинеяда жанартау атқылады

Папуа-Жаңа Гвинеяда Улавун жанартауы атқылап, Манам аралындағы алты елді мекенді күл басып қалды, - деп хабарлайды "Хабар 24". 

Табиғат апатынан тұрғындарды шұғыл түрде эвакуациялау жүргізіліп жатыр. Оған әскерилер жұмылдырылды. Мәліметке қарағанда, аталған ауданда 9 мыңға жуық адам тұрады. Билік өкілдері өңірдің шалғайда орналасуына байланысты жергілікті халықты қауіпсіз жерге көшіру ұзаққа созылуы мүмкін деп отыр.

Айта кетейік, Папуа-Жаңа Гвинея "Тынық мұхитының отты сақинасы" деп аталатын сейсмикалық белсенді аймақта орналасқан. Жер бетіндегі зілзаланың 90 пайызы осы аумақта болады.